Poslovne vijesti - Makedonija

Од идната година дозволи за увоз на храна и на граница

Од 1. јануари идната година документи за увоз на производи од животинско потекло ќе се вадат на граничните премини, а не како досега во Ветеринарната управа.

Оваа новина е се' уште во фаза на тестирање, но по воведувањето значително ќе ја поедностави и скрати процедурата што траеше до еден месец.

„Увозниците ќе вадат влезни документи на граничните премини, со што се укинува досегашната практика на издавање решенија кај нас, процедура што законски траеше максимум еден месец. Практично, целосно го поедноставуваме системот“, вели директорот на Управата за ветеринарство, Дејан Рунтевски.